Skip Navigation Linksالرئيسية >> مديرية المنيا التعليمية >> الاخبار >> وكيل الوزارة نعانى من عجز مدرسين العلوم و الرياضة

وكيل الوزارة نعانى من عجز مدرسين العلوم و الرياضة

وكيل تعليم المنيا : « للمساء العربي » : نعانى من عجز مدرسين العلوم و الرياضة .. وخايف أتحاسب قدام ربنا علي جيل كامل
2018-02-02 00:50:52
في حوار أجرته جريدة « المساء العربي » مع محمد محمود عزب وكيل وزارة التربية والتعليم بالمنيا حول مشاكل التعيلم وقال انه يوجد عجز مدرسين العلوم و الرياضة ، ومعنديش اي معوقات الا العجز الموجود في سوء توزيع
فى البداية كيف تلقيت خبر تكليفك كوكيل تعليم بالمنيا ؟؟
بجد خبر أسعدني مش أسعدني علشان هبقي وكيل وزاره أسعدني علشان هكون مسئول عن منظومة نفسي من زمان اعمل حاجه كويسه فيها وخوفت من ربنا لما ابقي مسئول عن منظومه كبيره كدا خفت حد يدعي عليا حد معرفش اوصله حقه دي تخوفاتي كلها يعني تخوفاتي ان انا معرفش اوصل لطالب حقه و عادة مش هعرف لان مش بأيدي لوجدي لو ينفع ادرس للمليون و273 الف و 500 طالب ،لكن في ناس تانيه قابلين للإصلاح في ناس كويسين في ناس بيبقو عاوزين يشتغلوا في ناس ضميرهم صاحي و في ناس ضميرهم هيصحي في ناس شايفين ان ممكن الموضوع مفهوش جدوى لكن ممكن يشفوه بصوره تانيه انا دايما لما بروح مدرسه مبروحش ادور علي الطالب اخد ناحيه تعليميه قد ايه علي ما قد عايز اعرف الطالب ده مرتبط بمدرسه و مكانه ازاي والمدرس بيقوله ايه وبيشرحله إيه وإيه ألطريقه اللي بيشتغل بيها هو ده الخبر بالنسبالي ان مسئولية تتحط و أتحاسب قدام ربنا علي جيل كامل
ما هي الصعوبات التي واجهتك منذ ان توليت هذا المنصب ؟؟
بمنتهي الصراحه الناس انا بحاول اتكلم مع الناس علشان افهمهم ايه الصح و ايه الغلط و نحل المواضيع دي ازاي الناس عايزه حد يتكلم معاها حد يتحاور معاها فعايزين كميه وقت كبيره قوي فالصعوبه في الوقت لكن في الباقي معنديش اي صعوبه تاني وكمان انا جيت لاقيت محافظ المنيا اللواء عصام البديوى يكاد يكون هو مدير التربيه و التعليم و مدير الصحه و مدير المرافق و مدير كل حاجه متعاون جدا لما جيت قدمتله مذكره و طلبت منه مسرح المحافظه استخدمه كل يوم جمعه من الصباح للمساء لم يبدي اي مشكله و الناس بيشتغلوا بالحب هناك علشان دي عيالنا فلم يبدي اي مشكله و الطلبه كسرت كراسي و هو قام باصلاحها فعاوز اقول ان العمليه ان لديك ارتياح نفسي هناك مساعده و لم يتاخر عنا في اي شئ نهائيا ، و هو رجل قانوني و القانون ليه بعض الاستثناءات في مصالح الناس و معنديش اي معوقات الا العجز الموجود في سوء توزيع بمعنى هو مش عجز حقيقي هو عجز هيكلي في سوء توزيع و سوء فهم من الناس فدي المشكله بس .
هل يوجد عجزفى المدرسين ؟؟
لا أكيد عندي عجز انا عندي عجز في العلوم و الرياضه واضح جداااا
مقدرش اتعاقد ده مش بتاعي ده نظام دوله لكن احنا عندنا زيادات في حاجات تاني مينفعش ليها برنامج تحويلي علشان اقولك احولك من معلم عربي لمعلم رياضه مينفعش مستحيل الحاجات اللي زي دي متنفعش يعني دا معلم عربي معندوش ملكات الرياضه مخدهاش و الرياضه و العلوم من المواد التراكميه لان مجموعه من مواد العلوم زي الانجليزي ينفع مدرس ثانوي ممكن اخليه يدرس لابتدائي لانه بياخد حاجات صغيره لكن مينفعش اقوله تعالى درس لثانوي و هو معندوش حصيله كلمات و معندوش التراكمات و الثروه اللي هو هيقدمها للطالب .
هل حضرتك قمت بتقديم مقترح لسد العجز لمدرسين العلوم والرياضه ؟؟
لا هي العملية عاوزه اعاده توزيع عاوزه عمليه تنسيق بمعنى مثلا هما 5 حصص علوم المدرس لو استعمل الوسائل الحديثه الفترات دي ممكن تقل و المدارس هنا معظمها فيها وسائل تكنولوجيه حديثه في عندي صبورات تفاعليه وعندي هنا بروجيكتور وممكن نشتغل اكتر وكمان ممكن الطالب ياخد منهجه و بعدد حصص اقل يعني لو مدرسه عاوزه 6 مدرسين علوم هيروح ايه 4 مدرسين علوم بس هو ياخد حصص اضافيه بقي علشان يغطي العجز.
ما هي مقترحات حضرتك لتطوير التعليم بمحافظه المنيا؟؟
هو احنا معندناش تطوير احنا مش بنطور احنا جهاز تنفيذي التطوير يعني اخد منهج اطوره مش بتاعي التطوير يعني يبقي عندي مركزيه ووضع الدوله لا يسمح للحاجات دي كلها حاليا احنا عندنا فوق تعينات و تكدسات في اماكن تانيه مفيهاش حاجه عندنا 6 مليون موظف اداري علي مستوي الجمهوريه و الجهاز المركزي يقول من يؤدي العمل فعلا مليون بس فانا عندي حاجه اسمها بطاله مقنعه ناس موجودين في العمل ولا يؤدون عمل فالدوله تتكبد مبالغ ماليه لكي تغطي كل التكاليف ، لكن نقوم بتجويد التعليم نفسه، ندرب المعلمين نشغلهم يعني عندنا مثلا النهاردة برنامج المعلمون اولا شغال، اليوم بدأ فعالياته، عندنا دورات تدريبيه مكثفه نعطيها للمعلمين، عاوزين نخلي المعلم يعرف الطالب بالعلوم اللي بياخدها يحولها لمهارات و معارف في الحياه، عاوزين نخليه معلم مفيد جدا ، يعني انا دايما ادخل اقولهم فهموا الطلبه مصر دي ايه اقعدوا كدا اخر عشر دقايق من الحصه و اتكلموا معاهم و قولولهم احنا عندنا مشاريع اقتصاديه، احنا عندنا شبكه طرق، احنا عندنا مصانع فلوبيكي عندنا العاصمة الاداريه الجديده قولت لهما ابداءوا عرفو الطلبه احنا فين مصر ولكن يجب ان يكون لي انا كمدرس فدوري لا يقتصر علي التعليم فقط يجب ان اتحدث معهم و اعرف مشاكلهم، فعند انتهاء الحصص اعمل ندوات دينيه و تثقيفيه فيجب تغير ثقافه الطالب الحافظ وليس الفاهم
مره كنت في بني مزار قعدت و لعبت مع الاطفال و انا ماشي جه طفل و اتعلق في رقبتي و بقي يقولي جدو جدو، علشان كدا انا بقول ان دورنا مختلف تماما، مصر لازم تتقدم و مش هتتقدم غير بالتعليم ..
ما رأى حضرتك في الدروس الخصوصية ؟؟
مشكله الدروس الخصوصية مشتركه بين المنزل و المدرسه، و اوضح بان هناك قوانين لحل هذه المشكله و لكن المدرسين يقوموا بحلها بدفع غرامه ماليه و عمل ملف ضريبي و لكن القانون 155 ان من حق السلطه المختصه ووزير التربيه و التعليم انه يحول المدرس اللي بيدي درس الي محكمه تاديبيه ده بالنسبه للناس اللي بتشتغل في التربيه و التعليم، و لكن ليس هناك قانون ينص علي الذين يعطون دروس خصوصيه و هم غير عاملين بالتربيه و التعليم، لذلك يجب ان يكون هناك قانون راضع لده، ولكن قبل عمل قانون راضع يجب حل المشكله اولا، فحل المشكله حاليا يأتي في تطوير التعليم الذي يقوم به دكتور طارق شوقي والدكتور احمد الذي يعمل داخل مدارس التعليم الفني ده حل التعليم، ده يخليك انت كالطالب متقيم و في تراكمات انت بتذاكر بطريقه مختلفه، وبتشتغل بطريقه مختلفه تماما عن الطريقه التي كنت تشتغل بها، فالطالب كان يحتاج المدرس لكي يلقنه لكي يدخل الامتحان و يجاوب بالشكل ده و لا يهم ان يكون فاهم، دا علاج الوزارة اما علاجي انا فهو مختلف قليلا حيث انه يتمثل في الاتي الشرح بطريقه مختلفه، ان يقترب المعلم من الطالب و يحاول حل مشاكله، فبهذا يبدأ التطوير.
ما رأيك في المدارس التي قمت بزيارتها حني ألان من حيث السلبيات و الايجابيات ؟؟
أنا قمت بزياره عدد كبير من المدارس فوجد نوعان من المدارس ألا و هم مدارس طارده للطلاب و مدارس جاذبه للطلاب.
وقمت بتحويل المدارس الطارده للطلاب الي التحقيق كاملا و لكن ماذا يعني بان الامتحان متبقي عليه 12 يوم و ألاقي المدرسة فاضيه, فهذا ليس عيب ألطلبه ولكنه عيب المدرسين و المدير الذين قاموا بالإيحاء لهم بأنهم لا يأتوا إلي المدرسة و ذلك عن طريق إن المدرسين دخلوا الفصل و لم يقوموا بالشرح، فعندما ذهب الطالب الي المنزل و سأله والده ماذا درست اليوم فلم يستطع الطالب الاجابه فقرر الوالد بعدم ذهاب ابنه إلي المدرسة ثانيا، و لم تأخذ المدرسة غياب فبذلك لم يتم فصله و لم يأخذ معه الاجراءات القانونية، فشجع الطالب بأنه يغيب و فتح له الباب فاختار الطالب ان يمشي، فلم يجعل الطالب بأن يحب المكان، فلذلك هي عمليه ضمير اولا و اخيرا وأوضح بأن المدارس الطاردة كانت مدارس حكوميه، و لكن هناك مدارس حكوميه علي نفس كفاءة المدارس الخاصة، و منها التجريبيه، و مجمع تله، و مدارس شرق النيل ..
ما رأي حضرتك في المحسوبيات و المجاملات ؟؟
انا مش هسميها محسوبيات و مجاملات بل اسميها بان واحد ليه مصلحه و عاوز يحققها بس أنا دايما مقتنع بان المصلحة اللي يحققها إذا كانت تتعارض مع طرف تانى إنا عمري ما حققها بس اذا كنت اقدر احققهالك هحققهالك، بمعني إن اذا كانت هذه المصلحة تتعارض مع مصلحه شخص أخر لن أحققها له، و لكن اذا اراد الطرف الثاني ان يتحمل الضرر الواقع عليه بعد ان اخبره بانه بذلك يتنازل عن حقه و لكن ان الح في طلبه أنفذه له بعد ان اخبره بعواقبه.
ما هي رؤية حضرتك المستقبلية لمديريه التربية و التعليم بالمنيا ؟؟
اريد ربط الانشطه بالتعليم، عاوز ارجع الطلاب للمدارس، رؤيتي ان الطالب يبقي في المدرسة و المدرس يشرحله.
داخل المدرسة و ليس خارجها، مؤكد علي ان المنظومة التعليمية تحتاج إلي معلمين يشتغلوا و موجهين يشتغلوا وأريد ان اغيرنظرة المجتمع الي منظومة التعليم الفني، شارحا ذلك في ان هناك تكدس طلابي بمدارس التعليم الفني، مما يشكل عبء علي المدرسين.
وان هناك بعض التخصصات في التعليم الفني يذهب لها الطالب بارادته فمن ضمنهم قسم البتروكيماويات بالسويس يتم قبول الطلبه بحد ادني 290 درجه من 300 درجه، و يتقدم له 400 طالب يتم قبول 50 طالب فقط .
فتغير ثقافه المجتمع من ناحيه التعليم الفني يرجع الي ان اذا وجد ولي الامر الطالب يتعلم بطريقه صحيحه و يتخرج و يجد سوق عمل مفتوح امامه، مؤكدا علي ان لا غني عن التعليم الفني لاننا نحتاج الي الحرفيين فنحتاج الكهربائي و النقاش و سباك و تبريد و تكيف .
رأي حضرتك في التعليم المجتمعي ؟؟
ممتاز لانه يقوم بتعليم اطفالنا في النجوع و الكفور و الجبال و الحواري والاماكن الفقيرة الذي فقد فرصه التعليم بسبب ابوه عاوز يشغله بسبب ظروفهم الاقتصاديه و اماكن المدارس بعيده
واتقدم بكل الشكر الى المؤسسات التي تقوم بتمويل مشروع التعليم المجتمعي و هي مؤسسه مصر الخير، و اليونيسكو، و منظمه الغذاء العالمي .
هي عرض و طلب تاخد 1000 جنيه احسن ولا تقعد في البيت احسن، اللي عاوز يشتغل هيشتغل و اللي عاوز يبدع هيبدع,
و صرح بان هناك معرض سيقام في اول شهر ابريل للتعليم الفني به كل منتجات التعليم الفني .

#الكلمات المتعلقة

أخبار ذات صله